Di wa matter dan Nia'a
As e be start,,wa Lawya them be only wan na peaceful match. So the commot long tha day with their peace plants,, for right hand,, Any man insa yi rob, for sika wa common law.
E no daso take long, proff them join the tin too.. Callam say no more lewa, till gomna talk small true,, about their budget, but massa ! , all that wan too seff be be na daso cover, for the real content,, insa the pot, no be dan yet commot.
For wa mind, all we be glad plenty,, for sika proff their support and initiative for the insa the whole tin. Even tho e no be easi, but all tin be be na chack, as the matter be di go, all man be understanam na with clap daso for backyard.
But now so all tin dan Nia'a ! All man dan enta back lekke niama.
See something wey e be start na with prayer and fasting, that time wey they be start take church people captive Now ehh!! ,all man di tie yi na yi jazz from head to toe,,,yet they say make we di pray to the fada,, make e helep end the chaos.
Wekkiehhh !! Ah jo di laff me for ma small cona, di ask ma self, na which fada seff,,, ???
Plenty pple dan already pass go front, yet the change nova still follow..they be say na program for two months, now so all man di nanga-na-mboko
Kumkuma too dan tie grass, say e no di sign any paper, say if na so, e better shootam kill all man
Wu dan enta long leh fowl, e no still cold,, burst burst whole them for their motto, them go reload, E be like say man go last find na yi way for go Europe bc di wa matter dan Nia'a.
They say make we stay for long every monday for respect the ghost, they block road, broke bridge say make we no run go coast. All small nga'ah them for qwat dey now na double Seff Perica them all , dey now na jungle,,na wusai we di go so.. ? Bad as e be,,must too talk how e di feel, except say thé regime too na thesame tin. Make Any Man shine yi eye well well, before they put all man na insa well for tha kind chanel.
Ah hear say bambili too di hot,,when small occasion dey, all man di pop yi na yi corn. They no want see any rob, so all man di chop yi allah , na for yi long for dong dong,, Cus they say no to school Call wa own future a tabooo...
Chaiii,,,,with tears for ma eye, Di wa matter Don Nia'a
For sika wa freedom, man don turn dey na ngatta,, day no di pass wey man no hear kagagak or sound seff for ambulance wey e carry man for under grang. Bucus say wetti Di wa matter dan Nia'a
My Guy , No grii wrong tin, Violence no di ever bring peace, make man no fool you. When they came with tha liberty gist, jo stick you na to the truth
Bad na bad and good na good, if man do bad for good, na daso bad E no matter the reason or command, why u backam back.
Di wa matter Nia'a,,na we makam but the truth na say,,,we fit still changam if we want.. Mu safe wa land Safe wa economy Safe wa life, an safe wa future No be to stop the fight no misunderstand me, ah no di back bite.. but at atleast massa,, time don reach make them consider wa own plight.
Na end of year this so,,man no fit even sell, sika stray bullet them and fire,, all man be left in fear,,abeg make we reflect and recheck the agenda,, make di wa matter , no end up nia'a...Amen.
- OKU BORIS
(c)Anolquotes
* REMEMBER POEM WITH THE HIGHEST SHARES WINS SO IF YOU LIKE THIS, PRESS THAT SHARE BUTTON.